Pinsa er syskenbarnet til pizzaen, og er typisk for Roma og regionen omegn. Pinsa kan du servera både kald og varm, i motsetning til pizza, og er i tillegg avlang og ikkje rund. Namnet kjem frå det latinske ordet pinsère som betyr å strekka eller forlenga. Oppskrifta har eg frå denne nettsida. Oppskrifta lager fire pinsaer. Eg likar best å steika dei med berre olivenolje og salt, og servera med burrata, mortadella eller prosciutto, ruccolasalat og balsamicoeddik (pinsa bianca), men du kan også ha same topping som du elles ville hatt på ein pizza.
Pinsadeig
Ingrediensar:
500 g. kveitemjøl, helst Tipo 00
375 g. kaldt vatn
10 g. salt
10 g. sukker
4 ms. olivenolje
1/2 ts. tørrgjær
4 ms. olivenolje, til pensling
Havsalt, til strø
Bland tørrgjæren med vatnet, 4 ms. olivenolja og sukkeret i ein kjøkkenmaskinbolle på låg fart. Ha i mjølet og saltet og bland vidare i omlag 5 minutt. La stå i 10 minutt, og køyr maskinen deretter i 5 minutt til. Dekk til bollen, og legg den deretter i kjøleskapet. La stå til neste dag. Dagen etter tar du bollen ut av kjøleskapet, og del deigen i 4 delar. Rull kvar del til ein ball, og hev i 3-4 timar. Forvarm omnen til 250°C. Form kvar del til ein avlang pinsa med hendene, og legg dei på eit steikebrett med bakepapir. Pensla 1 ms. olivenolje over kvar pinsa. Strø på med litt havsalt. Steik pinsa i 5 minutt, la kvila på rist i omlag 5-10 minutt, og steik stå pinsaen i 5 minutt til. Pinsaen skal ha ein fin gylden farge. Dersom du vil laga pinsa med tomatsaus (pinsa rossa), må du fyrst steika pinsaen i 5 minutt med berre tomatsausen, og la pinsaen kvile i 5-10 minutt før du steikar den ferdig med resten av toppingen.