Etter mykje prøving og feiling, har eg endeleg funne ei naanbrødoppskrift eg er skikkeleg nøgd med. Denne oppskrifta lager mjuke, smaksfulle naanbrød. Du kan enten steika brøda i ei støypejernspanne eller i omnen. Eg plar steika det i omnen fordi det er det enklaste, men smaken vert betre av å steika brøda i ei støypejernspanne. Oppskrifta har eg tatt frå denne nettsida og den lager 6 naanbrød.
Naanbrød
Ingrediensar:
4 g. tørrgjær
125 ml. lunka vatn
30 g. mjølk
1/2 egg, ved romtemperatur
1/2 ts. salt
270 g. kveitemjøl
30 g. smør, smelta
1 ms. svartkummin
Til å ha på:
30 g. smør, smelta
Ein liten handful finhakka fersk koriander (valfritt)
Bland tørrgjæren med all væska i ein bolle. Ha så i kveitemjølet, svartkummin og salt, og bland godt saman. Hev i 1-1,5 time til deigen vert dobbel så stor. Del deigen i seks delar, og trykk og strekk kvar del med hendene dine. Legg på ei bakeplate og la stå i omlag 15 minutt. Steik alle samstundes i omn på 275°C i 4-6 minutt, og pensla med smelta smør når du tar brettet ut. Alternativt kan du steika kvart brød individuelt i ei forvarma støypejernspanne i 60-90 sekund på kvar side. Pensla med smelta smør rett etter du tar kvart brød frå støypejernspanna. Dryss på med finhakka fersk koriander før servering (valfritt).