Ciabatta er eit italiensk brød som vart funne opp i 1982 (!) av ein bakar i Veneto-regionen etter ein nasjonal kampanje for å finna eit italiensk alternativ til den franske baguetten. Ciabatta betyr "tøffel" på italiensk og vart kalla opp etter formen på brødet. Brødet har eit høgt nivå av vatn og skal helst vera laga med mjøl med mykje gluten i. Denne oppskrifta kjem frå denne nettsida og tar to dagar å laga. Den fyrste dagen lager du biga - ein fast fordeig som tilføyer smak og tekstur til brøda, og den andre dagen lagar du resten. Det er viktig å ikkje hoppa over biga-steget; den betrer ikkje berre smaken, men styrkar gluten og brøda vil få ein sprøare skorpa.
Ciabatta
Nok til to store brød eller åtte rundstykke
Ingrediensar:
Biga
130 g. kveitemjøl
1/8 ts. tørrgjær
120 ml. lunka vatn
1 ts. tørrgjær
240 ml. lunka vatn
325 g. kveitemjøl
1 ½ ts. salt
1.Lag bigaen dagen før du planlegg å steika brøda. I ein liten bolle, bland saman tørrgjær og vatn. Ha så i mjølet og bland godt saman. Dekk til og la stå ved romtemperatur i 8-24 timar.
2.Dagen etterpå blander du vatn og gjær saman i ein ny bolle. Ha så i kveitemjøl og bigaen, bland godt, og ha i salt. Deigen kan vera tørr til å byrja med, men etter kvart vil den verta klistrete og våt. Det skal den vera òg! La stå i 30 minutt.
3.Ta tak i deigen i den eine enda, strekk ut, brett inn og fold. Gjer dette åtte gonger frå alle sider. La deigen stå i 30 minutt. Gjer dette totalt fire gonger. Når dette er gjort, legger du bollen i kjøleskapet og lar stå i minst ein time.
4.Strø mjøl på kjøkkenbenken og ha deigen på. Forsiktig strekk deigen til ein rektangel og del i to delar (for store ciabatta) eller åtte delar (for små ciabatta). Legg kvar del på ei bakeplate og la stå i ein time.
5.Varm opp omnen til 230°C. Ha i ei djup bakeplate nederst i omnen. Steik brøda i omnen etter ein time, og hell 2 dl. vatn i den djupe bakeplata, slik at du får damp. Steik i omlag 24 minutt eller til brøda er sprø og gyldne.